TL旅行記事*

2014年8月13日星期三

2014年6月21日星期六

第4回韓* 雪之旅2014:: D4大關嶺牧場대관령 양떼목장

2014年1月22日

*我0係橫溪市外巴士站坐巴士去(車費W1100,T-money不能用),早上有3班車只來往양떼목장,好似10:XX; 11:XX; 14:XX; 同樣有3班車回橫溪, 最後回程班次係14:XX. 想搭呢架巴士ge朋友最好問問江陵市高速/市外巴士客運站對外個info center; 開頭我都唔知有巴士, 巴士平咁多梗係搭巴士喇, 如果人多就的士抵d); 呢個巴士方法只能畀大家參考, 可能有變的. 根據觀察(我搭10:XXam去양떼목장),冇咩人搭,得6-8個人..

綠悠悠ge양떼목장好出名..有韓國清境美譽

今日天氣唔錯, 因為琴日落左一場大雪, 今日天色都藍返..但好凍,超大風
牧場收入場費的 W3000? W3500? Sori.唔記得左^^”包左一盆草餵羊咩

양떼목장唔係好大..我地沿住路線行..行下影下..3個小時夠哂皮..因為都趕住搭最後個班巴士14:XX.

不斷上斜落斜..去到高處望返落去...好舒服.幾難行都要行!! 好多路積左好多雪..有小腿咁高..都唔理得咁多照踩落去.....

好多攝影發燒友超pro帶哂超長鏡頭同腳架黎影相..(對比起我地-_- 真係..)

d雪都好新鮮下..風一吹..成面都係雪粉..好似沙漠咁..但白色沙漠好靚呀^O^...不枉此行..

行完就返橫溪食LUNCH同回江陵出首爾...

2014年6月19日星期四

第4回韓* 雪之旅2014:: D3 船橋莊선교장

2014年6月18日星期三

【名古屋、伊勢、奈良 2013秋行】D3:: 大須觀音,商店街, 栄OASIS 21,世界の山ちゃん

2013.11.16

第3站:”大須觀音”…其實就好似黃大仙廟咁..0係個鬧市有間寺廟…都幾多人黎參拜…亦都好多白鴿…參拜完畢我地就過左隔離條商店街…千萬唔好將佢同心齋橋比…唔同style的…大須商店街比較平實..賣二手野居多/無藥妝…唔多年輕人…最記有間生活百貨店…好多野家品..…招財貓地標個到間唔中有人表演…睇左一陣 :D

輕輕鬆鬆5點幾去到”栄”…好熱鬧…去左OASIS21個頂層~~好靚好舒服呀~~個天幕水池+電視塔個景wonderful..我地都0係到休息左一陣…吹吹風~~

之後阿媽竟然肚痛,好在日本搵toilet都好容易-_-“ 跟住就去shopping J…本身去食饅魚飯..但由於今日晏就食左好多壽司…頂唔順再吃飯...最後返酒店個邊食世界の山ちゃん(手羽仙)….終於都堂食到 *_*…我覺得個手羽仙唔錯….其他d小食都ok…

2014年6月15日星期日

【名古屋、伊勢、奈良 2013秋行】D3:: 名古屋城, かっぱ寿司, 熱田神宮

2013.11.16

今日0係名古屋市內遊…假日版1日券真係好抵玩..巴士地鐵都搭得..搭返4程乜都抵返哂~~

早餐係炸蝦三文治@ コンパル メイチカ店 ...真心推介..

我地單點左一份炸蝦三文治同小倉多士…(突然豪氣..0係香港食得好頹)

エビフライサンド Y890…小倉就唔記得左幾多$$$了?_?

食完就慢慢起行…第一站”名古屋城”..乘地鐵到市役所駅下車比較近….

個人覺得大阪城好似好行d…不過其實座座城都差唔多…入城堡打左個白鴿轉…紅葉未有…

行到11點半左右…搭巴士去最近的平民壽司連鎖店…かっぱ寿司@白壁店 (河童壽司)…重點係Y100? Y105一碟!!!!!!!!!!!!! 填飽個肚就算, 質素OK, 推介帶子壽司(呢個一碟一舊,但粒帶子好厚)

用個MON下單後,,,壽司會從廚房搭新幹線出黎…黎到你個位會自動停低…CONFIRM後架車會自動返廚房…玩味十足..阿媽都按左好幾次-_-

食完又搭返巴士去市役所駅….第2站”熱田神宮”… 神宮西駅..我同阿媽行左30分鐘就完結左呢個神宮….對我地黎講真係有D悶…最特別係見到好多日本小朋友著哂和服行???禮….咁岩有新人舉行結婚儀式..睇左一陣….

【名古屋、伊勢、奈良 2013秋行】D2:: 伊勢おかげ横丁,海老丸,赤福,若鯱家

2013.11.15

行完個內宮都12點…係時候去食LUNCH叉叉電~~~
“おかげ横丁” 多人到不得了,,,有幾多人去神宮 = 有幾多人去おかげ横丁,加上落雨,迫到擔遮都係冇用…由於太多特產/手信店..已經忘記了有多肚餓…不斷試食 *v*….伊勢特產以龍蝦/海產為主…仲有出名的赤福(有效期只有兩天,所以唔會買返香港)…返到香港好後悔…因為伊勢d特產比較好食…買左好少咋….