【名古屋、伊勢、奈良 2013秋行】D2:: 伊勢おかげ横丁,海老丸,赤福,若鯱家

2013.11.15

行完個內宮都12點…係時候去食LUNCH叉叉電~~~
“おかげ横丁” 多人到不得了,,,有幾多人去神宮 = 有幾多人去おかげ横丁,加上落雨,迫到擔遮都係冇用…由於太多特產/手信店..已經忘記了有多肚餓…不斷試食 *v*….伊勢特產以龍蝦/海產為主…仲有出名的赤福(有效期只有兩天,所以唔會買返香港)…返到香港好後悔…因為伊勢d特產比較好食…買左好少咋….

行過見到間賣包同串燒ge食店..見好多人都買包..我地都唔執輸買左一個…約Y200-300…阿媽話超好味…我覺得都好食~~~

 

一路行一路尋找”海老丸”….位置都比較隱蔽…好多人…要等位….

本來想叫個漁師汁ミニ海老フライセット,,點知賣哂!!!!

最後叫左兩個主食同兩個燒貝….呢個魚生飯好似Y2000..都新鮮.但唔係話超好食..

小小龍蝦同海鮮湯..仲有個手掌咁大ge炸物 + 飯.. 好似Y1800左右

食飽之後都係四圍行下....但“おかげ横丁”實在太多小食..我同阿媽都繼續食...食左魚餅, 燒多春魚, 串燒..仲有出名的"赤福"...又係多人到不得了...排隊排到出門口...分堂食同外帶...堂食仲有熱茶奉上....但重點係多人到好難搵位...赤福就係一舊燸米紅豆沙..我覺得一般..

之後搭返巴士出去宇治山田駅..

16:19-18:00　近鐵宇治山田 à 近鐵名古屋 （近鉄山田線 急行）
返到去買定後日要用個0個犬山PASS..咁就唔駛等當日先買(因為要9am先開門)
0係名鐵百貨行左陣….然後重點行程”買藥”…名古屋唔同大阪咁多藥妝店…榮個邊會多d…但名古屋駅真係唔多…得個一兩間….

買完順路去食世界の山ちゃん ….有人包左場….(乜我咁黑仔ge….-__-)...去左附近個大型超市Max Value行下...

晚餐最後0係地下街解決左…. “若鯱家”　（咖喱烏龍麵）

點左兩個咖喱烏龍麵……好大碗….料太少…可以加錢變套餐…食完返去休息了~